TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prezantuesi legjendar Jerry Springer ka humbur jetën në moshën 79-vjeçare. Ishte familja e tij që dha lajmin e hidhur, ndërsa konfirmoi se prezantuesi ndërroi jetë ‘i qetë’ në shtëpinë e tij në Çikago.
Ata thanë se ai ishte diagnostikuar me kancer disa muaj më parë, ndërsa javët e fundit shëndeti i tij u përkeqësua shumë.
“Aftësia e Jerry-t për t’u lidhur me njerëzit ishte në qendër të suksesit të tij në gjithçka që ai u përpoq, qoftë kjo politikë, transmetim apo thjesht shaka me njerëzit në rrugë që donin një foto apo një fjalë. Ai është i pazëvendësueshëm dhe humbja e dhemb pa masë, por kujtimet e intelektit, zemrës dhe humorit të tij do të mbeten të gjalla”, thuhet në deklaratën e familjes.
