BALLKAN, 5 Mars 2023, 09:31

Detajet e reja nga tragjedia në Greqi/ Kuptoi se ishte futur në krahun e kundërt, zbulohet komunikimi i shoferit të trenit: A jam mirë këtu?!

Detajet e reja nga tragjedia në Greqi/ Kuptoi se ishte futur në krahun

Greqia është kapluar nga dhimbja dhe zia pas tragjedisë së rëndë shkaktuar pas përplasjes së dy trenave, ku humbën jetën të paktën 57 persona.

Drejtori i stacionit të Larisës, i cili është arrestuar, përballet me akuza më të rënda dhe autoritetet po hetojnë çdo veprim të tij.

Sipas “Alpha” thonë se shoferi i trenit dyshohet se u përpoq të kontaktonte drejtorin e stacionit në sekondat e fundit përpara se trenat të përplaseshin në Tempe, por nuk mori asnjë përgjigje.

Shoferi i trenit Intercity 62 pasi ka kuptuar se është futur në krahun e kundërt, ka pyetur: Jam fut në linjë, a jam mirë këtu?

Por drejtori i stacionit nuk u përgjigj.

Mirëpo, siç sqarohet, policia nuk ka analizuar të gjithë materialin nga kamerat. Drejtuesit e trenave kanë vazhduar në drejtime të kundërta për disa minuta, deri sa janë përplasur kokë me kokë me shpejtësi të madhe.