AKTUALITET, 6 Korrik 2023, 17:53

Kurti ‘stoik’ në vendimin  për të mos takuar Ramën, ja si reagoi kur u pyet nga gazetarët

Kurti ‘stoik’ në vendimin  për të mos takuar

Duket se Albin Kurti i qëndroi deri në fund vendimit të tij për të mos takuar sot në Prishtinë Edi Ramën.

Teksa dilte nga ambientet e zyrës së tij Kurti është pyetur nga mediat nëse ka në plan të takohet me Ramën, por kreu i qeverisë së Kosovës ka refuzuar të përgjigjet.

Kurti ka përshëndetur gazetarët dhe ka hyrë në automjetin e tij dhe është larguar.

Nga ana tjetër, Rama është shprehur gjatë vizitës së tij më herët në Maqedoni, në kuadër të turit ballkanik, se nuk beson se Kurti e ka harruar Kanunin, pasi edhe hasmit nuk i mbyllet dera kur të vjen në shtëpi.