TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Demokratike, Oerd Bylykbashi, ka qenë i ftuar në emisionin "Të Paekspozuarit", ky foli për përçarjen në parti që vijon. Ndërkohë në studio pati një debat mes tij dhe gazetarëve Rakipi dhe Abilekaj, të cilët e pyetën se pse Partia Demokratike nuk hapet edhe për deputetë që nuk mbështesin Alibeajn, por nuk afrohen edhe nga grupi Berisha.
Pjesë nga debati:
Enton Abilekaj: Dakord këto që ka bërë Rama. Po ju cfarë keni bërë? Ka disa deputetë që nuk kanë axhendën e Alibeajt. Ja kemi Salianjin në studio, që ka axhendën e bashkimit. Përse nuk ka bashkim, e ka fajin Rama për këtë?
Oerd Bylykbashi: Zoti Salianji është aty dhe e jep ai përgjigjen. Zoti Salianji ka mbajtur qëndime publike.
Enton Abilekaj: Ai e tha, që është gati të bashkëpunojë, por duhet një dorë aty. Si do të bashkëpunojë?
Ylli Rakipi: Ndoshta është interesi i një pjese aty, që te jetë një sekt, ta mbajnë si një sekt, si gjoja parti, siç ndodh rëndom në Shqipëri. Salianji nuk po vjen me ju, sepse ju nuk doni që ai të vijë aty.
Oerd Bylykbashi: Salianji i është bashkuar një serie kauzash që kemi ngritur sëbashku.
Ylli Rakipi: PD ka nevojë të hapet dhe të mbushet. Njeriu që duhet të vijë, që nuk e do Alibeun që merr vulën, këta njerëz si vijnë aty? Bëni ore edhe një kongres tjetër, se ju kongrese bëni përditë.
Oerd Bylykbashi: Unë zotin Salianji e kam koleg dhe bisedojmë edhe sot po ndanim mendime. Ajo që ndodh rëndom, është diskutimi sikur PD është grupi parlamentar. Ju thatë në fillim, çfarë keni bërë deri tani? Çfarë kemi bërë? Kemi bërë një seri zgjedhjesh brenda partisë. Kemi bërë protesta të mëdha.
Ylli Rakipi: Për mua si popull, nuk i keni bërë. Këto primaret që tregoni ju, nuk i keni bërë. Ju e keni mbyllur Partinë Demokratike.
Oerd Bylykbashi: Realiteti është ndryshe.
Ylli Rakipi: Këto janë parti bunker, të gjitha partitë në Shqipëri. Ju jeni detyruar ti hyni një procesi. Por, nëse doni mbajeni si Edi Rama, që i mban të gjitha vetë.
Oerd Bylykbashi: Ka gjëra të këqija, që vijnë për të bërë mirë. 9 shtatori erdhi për të hequr atë gjë të shëmtuar.
