TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tre persona janë arrestuar në Elbasan për vepra të ndryshme penale. Mësohet se policia ka sekuestruar në cilësinë e provës materiale, doza me lëndë të dyshuar narkotike kanabis. Sakaq, dy persona të tjerë janë arrestuar pasi janë kapur në automjet pa leje drejtimi dhe në gjendje të dehur
Njoftimi i policisë:
Specialistët për Hetimin e Narkotikëve arrestuan në flagrancë shtetasin K. M., 52 vjeç, banues në Elbasan, pasi gjatë kontrollit fizik, shërbimet e Policisë i gjetën dhe i sekuestruan në cilësinë e provës materiale, doza me lëndë të dyshuar narkotike kanabis.
Ndërkohë, specialistët e Qarkullimit Rrugor arrestuan në flagrancë shtetasit:
– K. B., 20 vjeç, banues në Librazhd, pasi u kap nga shërbimet e Policisë, duke drejtuar automjetin, pa leje drejtimi;
– S. L., 38 vjeç, banues në fshatin Muçan, Elbasan, pasi u kap duke drejtuar automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
