TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas mbledhjes maratonë një ditë më parë, Enkelejd Alibeaj do të vijojë edhe sot takimet me strukturat e PD-së për të vendosur mbi kandidatët për zgjedhjet e 14 majit.
Mbledhja do të rinisë me Kryesinë në orën 18:00 në selinë e re të PD-së ku do vijojnë diskutimet. Në takimet maratonë të një dite më parë, nuk është arritur konsensusi për garën e 14 majit.
PD e Alibeajt duket e ndarë, ku një pjesë kërkon daljen me kandidatë për kryetarë në të gjitha bashkitë, ndërsa pjesa tjetër kërkon të dalin me listë për këshilltarë bashkiakë.
Shumica e deputetëve të grupit parlamentar të PD-së mendojnë se duhet të garojnë vetëm për këshillat bashkiak.
Nga ana tjetër, ndër emrat që kanë kërkuar të mbështeten kandidatët e “Primareve” të Berishës janë Gazment Bardhi, Jorida Tabaku, Dhurata Çupi dhe Dashnor Sula.
Anëtarja e Kryesisë, Taulanta Jupi, ka thënë se PD duhet të hyjë me kandidatë në të gjitha bashkitë, mendim të cilit i janë bashkuar Gazmend Koduzi, Orjola Pampuri e Agron Kapllanaj, mendim ky i cili mbështetet edhe nga kryetari i komanduar i partisë, Enkelejd Alibeaj.
Ndërsa deputeti i PD Kreshnik Çollaku ka shprehur mendimin për garimin me kandidatë vetëm në ato bashki ku ka mundësi për të fituar.