TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Roma-Juventus do të kujtohet gjatë për spektaklin e jashtëzakonshëm që dhuroi, ndeshje e cila përfundoi me suksesin 4-3 me përmbysje të bardhezinjve.
Serinë e golave e hapi Roma në minutën e 11-të me një gol me kokë nga Abraham.
Shtatë minuta më vonë, në të 18-tën, Dibala barazon shifrat me një gol shumë të bukur duke e mbyllur pjesën e parë me rezultatin e barabartë 1-1.
Sapo fillon pjesa e dytë, në minutën e 48-të Mkhitaryan kalon në avantazh Romën. Në minutën e 53-të Pelegrini trefishon shifrat (3-1) me një gol fantastik nga goditja e dënimit.
Dukej sikur loja kishte mbaruar, por Juventus zgjohet.
Në minutën e 70-të shënon me Lokatelin duke rihapur sfidën. Katër minuta më vonë Kulusevski barazon rezultatin në 3-3.
De Shiljo kryen mrekullinë duke përmbysur rezultatin në minutën e 77-të.
Në minutën e 81-të De Ligt ndëshkohet me karton të kuq dhe Pelegrini humbet një 11-metërsh.
Juventus ndodhet tashmë në vendin e pestë me 38 pikë ndërsa Roma në vendin e tetë me 32 pikë.
