TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Fituesi i Big Brother Vip, Luiz Ejlli, ka qenë këtë pasdite në Shkodër për t'i dhënë mbështetjen e tij kandidati të PS-së për kryetar bashkie, Benet Beci.
Këngëtari shkodran ka postuar fillimisht foton me Becin, të cilin e ka përmendur dhe brenda shtëpisë së Big Brother për ndihmën që i ka dhënë në një moment të vështirë.
Sot ai ka marrë pjesë bashkë me këngëtarin Frederik Ndoci, në një takim të kandidatit të PS me vajzat dhe djemtë e Shkodrës.
“Lart e më lart. Është njeri i mirë, do jetë njeri i mirë. Më besoni do t’ju ndihmojë me të gjitha mundësitë që ka”, dëgjohet të thotë Luizi për kandidatin socialist.
“Kur nuk të ndihmojnë ata që mendon se i ke pasur afër, si mund të pretendosh të të ndihmojë dikush vetëm pse është shkodran. Personi në fjalë quhet Benet Beci, një familje shkodrane që unë e njoh shumë mirë, dhe e kam marrë në telefon. Ma ka hapur telefonin direkt. I thashë çfarë ke mundësi ndonjë vend pune, unë do ta bëj. Më ka ndihmuar, më ka futur në punë direkt dhe i jam mirënjohës gjithë jetën” – ka deklaruar Luizi në Big Brother, duke i'u referuar Becit.
