TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia spanjolle ka arrestuar 9 persona, të cilët akuzohen për blerje votash. Arrestimi ndodhi dje dhe sot në qytetin e Melillas, disa ditë përpara zgjedhjeve lokale të 28 majit, si pjesë e një hetimi për mashtrim të dyshuar elektoral, thanë autoritetet.
“Një operacion policor është duke u zhvilluar si pjesë e një hetimi për rastin e votave postare. Shumë vende në qytet u kontrolluan dhe disa persona u arrestuan”, tha prefektura e kësaj zone, e cila ka statusin e veçantë të një qyteti autonom dhe ndodhet në bregdetin verior të Marokut. Prefektura më pas sqaroi se të paktën gjashtë persona u arrestuan sot dhe tre të hënën.
Sipas mediave spanjolle, hetimet kanë për qëllim një sistem që dyshohet se ka blerë vota postare. 50 deri në 200 euro u ofroheshin familjeve që përballeshin me vështirësi financiare në këmbim të votës së tyre. Dyshimet e autoriteteve u ngritën nga rritja e numrit të votave postare, gati 20%, pra shumë më tepër se ajo e zgjedhjeve të mëparshme në 2019 dhe shumë mbi mesataren kombëtare.
