TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pak javë para zgjedhjeve vendore të 14 majit, Veliaj deklaroi me pompozitet se po mblidhte pemën e 1 miliontë dhe në vitin 2030 do të bëheshin 2 milionë.
Specialistët e fushës thonë se duhet një sipërfaqe më e madhe se Tirana e sotme për të mbjellë kaq shumë pemë.
Erion Dasho, mjek shqiptar që jeton në Gjermani thotë se Frankfurti ka vetëm 160 mijë pemë, edhe pse i mbushur me parqe, ndërsa Berlini ka 500 mijë, ndaj ajo e 1 milion pemëve të Veliajt është përrallë që e besojnë shqiptarët, që e meritojnë edhe 4 vite drejtimin e bashkisë prej tij.
Shënimi i Dashos
Frankfurti që ka në çdo lagje parqe ku mund të ecësh e të shlodhesh dhe që është i rrethuar me pyje nga të gjithë anët, ka 160.000 pemë.
Berlini, disa herë më i madh se Frankfurti, i mbushur edhe ai me parqe dhe pyje, me një popullsi gati 4 milion banorë, ka më pak se 500 mijë pemë.
Shqiptarët që besojnë përrallën e Lalit dhe të Boratit me 1 milion pemë, përse të mos besojnë edhe përrallat e tjera dhe t'u japin votën këtyre mashtruesve??!!
Ta gëzoni Lalin edhe 4 vjet, të dashur "tironsë"... E meritoni..."
