TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga njëra anë është koronavirusi, që po bën mbi këtë botë punën e vet, por nga ana tjetër edhe kryetari i Akademisë Alternative Shkencore të Shqipërisë, kolegu kokë për kokë i Skënder Gjinushit, të Akademisë së Shkencave, zotni Sazan Guri, ka shpërthyer edhe njëherë siç di të shpërthejë vetëm ai.
Këtë herë, profesori i tregoi botës mbarë, se gjuha shqipe, si gjuhë iliro-pellazgo-etruske, është jo vetëm më e vjetra në botë, por edhe më natyralia që ka ekzistuar dhe ekziston.
- Gjuha shqipe, është ashtu siç flitet në natyrë dhe nuk shpjegohet dot me rregullat e sotme - thotë Sazani.
Nëpërmjet një video, ai shpjegon se fjalët më të rëndësishme të botës, përfshirë këtu edhe fjalën Zot, e kanë origjinën nga Shqipëria dhe fliteshin në natyrë, siç flasin apo ulërijnë të gjithë qeniet e gjalla, që nga kohët përtej lashtësisë, deri sot.
PS. Pa u zgjatur më tej, në fjalët tona të kota dhe pa ndonjë vlerë të madhe, ndiqni videon e mëposhtme të profesor Sazan Gurit dhe shpërndajeni atë ku të mundni, deri edhe në natyrë, për të ndriçuar sa më shumë vlerat antike gjuhësore të Shqipërisë dhe shqiptarëve!
/TPZ.al/Tej e këtej/
VIDEO:
