SPORT, 24 Nëntor 2021, 13:23

Plas gallata te Barcelona, ylli katalanas dëmtohet duke festuar golin që u anulua

Plas gallata te Barcelona, ylli katalanas dëmtohet duke festuar golin

Barcelona nuk shkoi më shumë se barazimi pa gola mbrëmjen e djeshme në sfidën ndaj Benfikës duke lënë çdo gjë të hapur për ndeshjen e fundit me Bajernin për sa i përket kualifikimit në fazën e 1/8-ve në Ligën e Kampionëve.

Në minutën e 84-ët të takimit, katalanasit arritën të shënonin me anë të mbrojtësit Araujo, por goli u anulua për pozicion jashtë loje. Në këtë moment ndodhi një skenë sa qesharake aq dhe fatkeqe për uruguaianin që u dëmtua gjatë festës së golit.

Një ironi e fatit pasi nëse goli do të vlente, dëmtimi i mbrojtësit do të shihej ndryshe, por në kampin e Barcelonës nuk është pritur mirë. Ndërsa në rrjetet sociale ka plasur gallata me 22-vjeçarin që u nxitua të festonte pa marrë parasysh vendimin e arbitrit.