TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i LSI-së, Endrit Braimllari ka reaguar pas lajmit për vjedhjen e komisariatit të policisë në Durrës.
Përmes një postimi në “Facebook”, Baraimllari shkruan se çfarë duhet të presin qytetarët kur krimi i organizuar arrin të vjedh arkën e komisariatit që presupozohet ruan qytetarët.
Më tej deputeti i LSI-së, kujton se vetëm pak muaj më parë u vodh prokuroria e Durrësit dhe Prokurorja e këtij rrethi, u promovua dhe u bë Prokurore e Krimeve të Rënda.
"Ky kryeministër motivon dhe frymëzon krimin e organizuar, shteti ka degraduar sepse kryeministri nuk është me qytetarët por me kriminelët,"-denoncon Braimllari.
Postimi i plotë:
Lajmi mbi vjedhjen e komisariatit të Durrësit tregon qartë se në çfarë degradimi ka rënë ky kryeministër.
Ç’mund të presin qytetarët e këtij vendi në Durrës por dhe në të gjithë Shqipërinë ku krimi i organizuar arrin të vjedh arkën e komisariatit që presupozohet ruan qytetarët. Ky kryeministër ka degraduar policinë e shtetit duke kompromentuar rëndë rolin e saj.
E përfshiu në fushatë elektorale ku vetë i bënte thirrje të hiqnin kapelet dhe të bëjnë fushatë për rilindjen, e bëri pjesë të strukturave kriminale policinë e shtetit. Oficerët e zotë të kësaj strukture që luftonin krimin e organizuar i dekonspiroi dhe i detyroi te kërkojnë azil jashtë vendit.
Ky kryeministër motivon dhe frymëzon krimin e organizuar, shteti ka degraduar sepse kryeministri nuk është me qytetarët por me kriminelët.
Ps. para disa muajsh u vodh prokuroria e Durrësit dhe Prokurorja e këtij rrethi, u promovua dhe u bë Prokurore e Krimeve të Rënda.
Mos u habisni që pas këtij akti shefi i komisariatit në Durrës të bëhet Drejtor Qarku, Drejtori i Durrësit të bëhet Drejtori i Përgjithshëm i Policisë së Shtetit.TPZ.AL
