TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sipas një raporti të OKB-së, 1/3 e të moshuarve kanë humbur jetën si pasojë e luftës në Ukrainë. Sipas të dhënave, 1,346 nga 4,187 viktima të regjistruara, ishin mbi 60 vjeç.
Raporti përfshin vetëm njerëzit moshat e të cilëve dihen dhe numri aktual i viktimave është shumë më i lartë, thuhet në raportin e OKB. Rreth një e katërta e popullsisë së Ukrainës janë të moshuar.
Në një incident në Yahidne në mars 2022, dhjetë të moshuar vdiqën pas sulmeve ruse në një ndërtesë. Postblloqet ruse në Kherson vitin e kaluar gjithashtu bllokuan lëvizjen, duke bërë që disa të moshuar me diabet të vdisnin sepse nuk ishin në gjendje të merrnin mjekimet e tyre, thuhet në raport.
OKB – ja zbuloi se të moshuarit u prekën veçanërisht nga ndërprerjet e energjisë elektrike për shkak të sulmeve ruse në infrastrukturën kritike që nga tetori i vitit 2022 që bllokuan shumë prej tyre në apartamentet e tyre në katet më të larta kur ashensorët e ndërtesave të tyre të apartamenteve nuk ishin më në funksion.
Të tjerët duhej të largoheshin me nxitim, ndonjëherë në karrige me rrota, thuhet në raport. Shumë mbetën pas.
