AKTUALITET, 17 Tetor 2022, 14:47

Drejtonin automjetet nën efektin e drogës, arrestohen dy shoferë në Durrës

Drejtonin automjetet nën efektin e drogës, arrestohen dy shoferë

Dy persona kanë rënë në pranga, pasi u kapën duke drejtuar automjetin nën efektin e drogës.

Bëhet me dije se, në pranga kanë rënë M. B., 33 vjeç, banues në Durrës dhe A. K., 25 vjeç, banues në Shijak.

Sakaq materialet për të dy shtetasit e arrestuar i kaluan Prokurorisë, për veprat penale “Drejtimi i automjeteve në mënyrë të parregullt” dhe “Prodhimi dhe shitja e narkotikëve”.

Njoftimi:

Drejtonin automjetet, nën efektin e lëndëve narkotike, arrestohen në flagrancë 2 shtetas.

Gjatë kontrollit në automjetet që drejtonin, këtyre dy shtetasve iu gjetën edhe sasi lënde të dyshuara narkotike cannabis sativa,

Shërbimet e Forcës së Posaçme “Shqiponja”, në vijim të kontrolleve të ushtruara në automjete të ndryshme, me qëllim kapjen dhe vënien përpara përgjegjësisë ligjore të personave që qarkullojnë me armë, drogë apo sende të kundërligjshme në automjete, në lagjen nr. 13, kanë ndaluar për kontroll automjetin me drejtues shtetasin M. B.

Gjatë kontrollit në automjetin tip “Benz”, shërbimet e Policisë kanë gjetur një sasi lënde të dyshuar narkotike cannabis sativa dhe një grirëse hashashi.

Pas testit me AquilaScan, drejtuesi i automjetit ka rezultuar nën efektin e lëndëve narkotike.

Në përfundim të veprimeve, drejtuesi i automjetit, shtetasi M. B., 33 vjeç, banues në Durrës, u arrestua në flagrancë. Lënda narkotike u sekuestrua në cilësinë e provës materiale, së bashku me automjetin dhe dy aparate celulare.

Gjithashtu, shërbimet e Policisë Rrugore kanë arrestuar në flagrancë shtetasin A. K., 25 vjeç, banues në Shijak, sepse pas testimit me AquilaScan ka rezultuar nën efektin e lëndëve narkotike.

Gjatë kontrollit në këtë automjet, shërbimet e Policisë kanë gjetur një sasi lënde të dyshuar narkotike cannabis sativa, e cila u sekuestrua në cilësinë e provës materiale.

Materialet për të dy shtetasit e arrestuar i kaluan Prokurorisë, për veprime të mëtejshme, për veprat penale “Drejtimi i automjeteve në mënyrë të parregullt” dhe “Prodhimi dhe shitja e narkotikëve”.