TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shtetasi me iniciale A. Zh., 47 vjeç, banues në Tiranë është vënë në pranga nga Policia e Tiranës pasi është kapur me 400 gramë kokainë. Arrestimi i tij është kryer këtë paradite në zonën e Komunës së Parisit në Tiranë.
Ende nuk është publikuar njoftimi zyrtar i policisë për arrestimin në fjalë, pasi operacioni është në vijim e sipër.
Pritet që uniformat e shtetit të ushtrojnë kontroll dhe në banesën e Zhulekut. I arrestuari rezulton se jeton në të njëjtën zonë ku dhe u vu në pranga. 47-vjeçari rezulton se është një person me precedentë penalë.
Ai është arrestuar edhe në vitin 2015 për të njëjtën gjë. A.Zh., u prangos bashkë me katër persona të tjerë në atë kohë, pasi akuzohej se shpërndante drogë në klubet e natës.
