TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partizani po tregohet skuadra më aktive në këtë merkato, duke përforcuar skuadrën me elementë cilësorë.
Sipas “Panorama Sport” skuadra e kuqe ka menduar të bëjë goditjen e madhe gjatë kësaj merkatoje. Siç raportohet, demat janë afër akordit me ish-sulmuesin e Kukësit, Vasil Shkurtaj, i cili shikohet si një lojtar mjaft cilësor për sulmin e Partizanit, teksa skuadra kryeqytetase ka vuajtur gjetjen e golit gjatë pjesës së parë të sezonit.
Palët kanë gjetur një akord paraprak që mund të finalizohet shumë shpejt dhe të kthejë Shkurtajn si protagonist në elitën e futbollit shqiptar, ku në të kaluarën ka veshur fanellën e Kukësit dhe Luftëtarit.
Nga sulmi në mbrojtje, Partizani ka menduar “kopsitjen” e skuadrës. Të kuqtë kanë gjetur akordin dhe janë shumë pranë firmës edhe me mbrojtësin Andi Hadroji.
Ish-lojtari i Bylisit përveç se në mbrojtje di të përshtatet mjaft mirë edhe në mesfushë, gjë të cilën trajneri Dritan Mehmeti mund ta shfrytëzojë në favorin e skuadrës.
