AKTUALITET, 16 Shtator 2023, 18:04

Ndahet nga jeta gazetarja e njohur e Zërit të Amerikës, Rudina Dervishi

Ndahet nga jeta gazetarja e njohur e Zërit të Amerikës, Rudina

Lajm i hidhur për gazetarinë! Rudina Dervishi, gazetarja dhe drejtuesja e njohur prej shumë vitesh e emisionit televiziv “Ditari” të Zërit të Amerikës, u nda nga jeta të martën, më 12 shtator, në moshën 53-vjeçare, pas një beteje dy vjeçare me kancerin e gjirit.

Ikja e saj e parakohshme, është një humbje e madhe për familjen dhe për kolegët e saj të Shërbimit Shqip të Zërit të Amerikës. Për më shumë se 25 vjet, Dervishi dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti. Ajo la pas bashkëshortin, tre djemtë dhe nënën.