TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy persona humbën jetën pas një konflikti me armë zjarri dhe thikë mbrëmjen e së mërkurës në Kavajë.
Viktimat janë Sali Rexha nga Kukësi, i cili ka qëlluar me armë dhe Armando Gosa nga Kavaja, i cili ka qëlluar me thikë.
Një banor i zonës tregoi në një intervistë për Euronews se viktimat ishin konfliktuar edhe disa ditë më parë për arsye banale të tipit ‘pse më sheh’.
Ai u shpreh se njëri nga viktimat, Altin Rexha kishte fëmijën e vogël përdore kur është konfliktuar me Altin Gosën, i cili e ka qëlluar me thikë.
‘Probleme nuk kanë pasur, sherr koti, pse hap sytë. S’kanë arritur ta mbyllin. Ai ishte me fëmijën përdore, ai malësori, janë të ardhur. Ishin duke folur, i pashë, pa ikur unë dëgjoj krisma, ky tjetri me thikë, një u shtri aty një këtej.
Kavajasi pati thikë, e vrau me thikë, ai me pistoletë. E kishte me vete se kishin pasur konflikt edhe më herët. Ky kavajasi ishte shumë i fuqishëm, e mbyti’, tregoi ai.
