TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tërmet i fuqishëm me magnitudë 7.7 ballë ka goditur Indonezinë mëngjesin e së dielës, duke shkaktuar të paktën 20 viktima, dëme materiale dhe panik te banorët. Lëkundjet e forta goditën një zonë të njohur për aktivitetin e lartë sizmik, pjesë e të ashtuquajturës “Unaza e Zjarrit” të Paqësorit.
Sipas guvernatorit të provincës East Nusa Tenggara, pesë persona humbën jetën pasi u goditën nga mbeturinat e ndërtesave që u shembën ndërsa ata ishin duke fjetur. Tërmeti u regjistrua rreth orës 05:58 me orën lokale.
Epiqendra e tërmetit të cekët ndodhej rreth 68 kilometra larg ishullit Flores dhe në të njëjtën distancë nga qyteti Ende, në provincën East Nusa Tenggara.
Pas lëkundjeve të fuqishme, autoritetet lëshuan një paralajmërim për cunami, i cili u anulua disa orë më vonë. Sipas të dhënave paraprake, në zonat bregdetare u regjistruan dallgë me lartësi nga 19 deri në 30 centimetra.
Pamjet e publikuara në rrjetet sociale tregojnë ndërtesa që shemben, ndërsa banorët largohen me vrap nga zonat e prekura. Në disa spitale, pacientët u nxorën me nxitim jashtë ndërtesave, për shkak të frikës nga shembjet.
“Dridhja ishte shumë e fortë. Njerëzit ishin në panik dhe vraponin në të gjitha drejtimet”, tha një banor, i cili ndodhej në një treg kur goditi tërmeti.
Ekipet e shpëtimit kanë nisur operacionet për kërkimin dhe nxjerrjen e personave që mund të kenë mbetur të bllokuar nën rrënoja. Operacionet janë vështirësuar nga terreni i largët dhe malor, ndërsa zona është goditur edhe nga dhjetëra lëkundje pasuese.
Agjencia Kombëtare e Menaxhimit të Fatkeqësive të Indonezisë (BNPB) u ka bërë thirrje banorëve të qëndrojnë të qetë dhe të shmangin zonat bregdetare. Autoritetet kanë paralajmëruar gjithashtu qytetarët të mos hyjnë në ndërtesa të dëmtuara, veçanërisht në ato me çarje ose dëmtime strukturore.
Indonezia ndodhet në “Unazën e Zjarrit” të Paqësorit, një brez rreth 40 mijë kilometra i gjatë, ku përplasen dhe zhvendosen pllaka tektonike. Në këtë zonë ndodhen rreth 75% e vullkaneve aktive të botës dhe regjistrohet pjesa më e madhe e aktivitetit sizmik global.
A powerful 7.7-magnitude undersea earthquake struck off the northern coast of Indonesia's Flores Island, triggering tsunami warnings across several coastal provinces. Indonesian meteorological agencies urged residents in impacted areas to evacuate immediately to higher ground and… pic.twitter.com/lcbLMBfpfy
— The Weather Channel (@weatherchannel) August 15, 2026
A powerful 7.7-magnitude earthquake struck off the coast of Indonesia, prompting coastal evacuations and temporary tsunami alerts across the region. The primary tremor was followed by three strong aftershocks ranging up to magnitude 6.1, heightening risks of structural damage and… pic.twitter.com/sOEMPNlxMs
— The Weather Channel (@weatherchannel) August 15, 2026
