TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 15-vjeçar është vënë nën akuzë në Francë për zjarrin në Merignac, pranë aeroportit të Bordos, ku muajin e kaluar humbën jetën dy zjarrfikës.
Adoleshenti u paraqit para një gjyqtari dhe më pas u vendos në një qendër të mbyllur arsimore, ndërsa vëllai i tij 22-vjeçar u lirua nga paraburgimi pasi 15-vjeçari mori përgjegjësinë për ndezjen e zjarrit.
Sipas mediave franceze, zjarri dyshohet se nisi pasi adoleshenti hodhi një cigare në barin pranë zonës ku ndodhej me të vëllanë.
Të dy vëllezërit ishin ndaluar aty dhe po pinin cigare, ndërsa 22-vjeçari dyshohet se e kishte fikur cigaren e tij në parking.
Dy zjarrfikësit humbën jetën më 21 korrik, gjatë përpjekjeve për të shuar flakët, pasi automjeti i tyre i emergjencës mbeti i bllokuar nga zjarri.
Pas ngjarjes, Prokuroria e Bordos nisi një hetim për të përcaktuar rrethanat dhe shkakun e zjarrit.
