TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Blendi Fevziu ka kujtuar sot një nga peshëngritësit më me zë në Shqipëri, Aleksandër Kondon, që gjatë komunizmit u arratis fillimisht në Jugosllavi dhe më vonë në Shtetet e Bashkuara të Amerikës.
Fevziu thotë se arratisja e sportistit shqiptar në vitin 1985 e kishte tronditur regjimin komunist. Dy vjet më vonë, Kondo vdiq nga një aksident në Nju Jork, të cilin, gazetari e përshkruan si misterioz.
“Vdekja e tij ka mbetur mister dhe shtypi gjithnjë ka aluduar se pas saj qëndron dora e shërbimit sekret komunist”, ka shkruar Fevziu.
POSTIMI I FEVZIUT
Isha ne Gjimnaz kur Aleksander Kondo, nje nga 3 peshengritesit me te zeshem shqiptare, kerkoi strehim politik ne Jugosllavi. Arratisja e tij ishte e bujshme sepse ai ishte nder sportistet me te njohur ne vend dhe shume i ndjekur nga te rinjte. Qellonte shpesh te shkoja ne palestren e stadiumit bashke me shoket per ta pare kur stervitej. Kishte nje trup perfekt dhe shume vete perpiqeshin t'i ngjanin atij. Ikja e Kondos ne fillim ne Jugosllavi dhe me pas ne Nju Jork te SHBA tronditi regjimin komunist. Per fat te keq Kondo nuk e vazhdoi karrieren e tij sportive. 2 vjet me pas, me 1 Maj 1987 ai humbi jeten ne nje aksident automobilistik ne Queens. Vdekja e tij ka mbetur mister dhe shtypi gjithnje ka aluduar se pas saj qendron dora e sherbimit sekret komunist. Eshtrat e tij u rikthyen ne Shqiperi ne fillim te viteve 2000 me kembenguljen e miqve te tij dhe familjes.
