TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas diskutimeve të shumta, FIFA tashmë ka miratuar që Botërori të zhvillohet me 48 ekipe. Kjo gjë do të startojë që nga edicioni i ardhshëm që do të mbahet në vitin 2026 në Shtetet e Bashkuara të Amerikës, Kanada dhe Meksikë. Kështu në Kupën e Botës nuk do të ketë më 64 ndeshje, por 104 në total.
Gjithçka është zyrtarizuar pas mbledhjes së Këshillit Drejtues të FIFA-s që i dha fund Kupës së Botës ku merrnin pjesë vetëm 32 ekipe. Botërori tashmë do të përbëhet nga 12 grupe me nga 4 skuadra.
Në turnin tjetër do të kalojnë dy vendet e para të grupeve, si dhe tetë skuadrat më të mira që janë renditur në vendin e tretë. Me formatin e ri tashmë do të shtohet edhe një tjetër turn, ai i 1/16-ve, pas përfundimit të fazës së grupeve.
