TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një gabim teknik në sistem bëri të pavlefshëm shortin e hedhur disa orë më parë në Champions League. Manchester United u shortua me Villareal, ndërkohë që me spanjollët nuk mund të luante duke qenë se ishin përballur në fazën e grupeve, ndërsa sërish një tjetër gabim lidhur me "Djajtë e Kuq", ishte edhe ai kur u hoqën si opsion për t’u ndeshur me Atletico Madrid.
Në fakt, nuk kishte asnjë arsye për ta bërë këtë, ndërsa tashmë shorti është hedhur edhe njëherë tjetër për të vendosur raundin e 1/16-tave. Goglat kanë vendosur përballje spektakolare si Atletico Madrid-Manchester United (ku Ronaldo rikthehet në Madrid, si në kohën kur luante derbin me fanellën e Realit), Inter-Liverpool dhe PSG-Real Madrid (ku Mesi sfidon 'Los Blancos', por edhe Ramos rikthehet si rival), teksa goglat janë treguar të mëshirshme për Bayern Munich që luan ndaj Salzburg, apo edhe për Juventus që niset favorit ndaj Villareal.
Nga ana tjetër, Manchester City e nis këtë fazë në transfertë ndaj Sportingut të Lisbonës, ndërsa Çelsi (kampionia në fuqi) pret përballjet me Lille.
Shorti i fazës së 1/16-tave:
Salzburg-Bayern Munich
Sporting Lisbon-Manchester City
Benfica-Ajax
Çelsi-Lille
Atletico Madrid-Manchester United
Villareal-Juventus
Inter-Liverpool
PSG-Real Madrid
