TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Transferimi i Leo Mesit te Barcelona është aktualisht tema më e nxehtë në Spanjë dhe kjo jo vetëm për kalimin e argjentianasit, por edhe për “luftën” që ka nisur mes Barcelonës dhe La Ligas.
Vetë presidenti i La Ligas, Havier Tebas është ai që po vështirëson gjithçka dhe duket se për katalanasit nuk do të ketë asnjë lëshim. Regjistrimi i Mesit në skuadër dhe paga e tij do të jenë problemi kryesor, ndërkohë që në një intervistë të dhënë, Tebas shprehet se buxheti mbetet problemi më i madh.
“Transferimi i Mesit është i komplikuar. Ka ende shumë kohë por duhet që të largojë disa lojtarë dhe të ulë pagat. Atëherë, do ta ketë të mundur që të regjistrojë futbollistë të tjerë, por në këtë moment ne as nuk e dimë se sa do të jetë paga e tij.
Barcelona nuk është si PSG që ka të ardhura monetare nga gazi dhe mund të lejojë paga të larta. Ata duhet të ulin pagat, për të regjistruar të tjerët”, u shpreh Tebas.
