TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Juventusi nuk po gjen qetësi dhe veç rezultateve të fundit, bardhezinjtë janë në telashe edhe brenda skuadrës. Së fundmi, një përplasje mes Kiezës dhe Alegrit është temë diskutimi në shtëpinë bardhezi.
Shpesh herë Alegri e ka aktivizuar Kiezën jashtë pozicionit të tij të preferuar dhe kjo i ka sjellë jo pak irritim futbollistit italian. Mesfushori i ka kërkuar Alegrit që të jenë në pozicionin e tij, ndërkohë që ka “kërcënuar” me largim në merkaton verës pasi në Torino ai nuk ndihet më i lumtur.
Përplasja e Kiezës me trajnerin Alegri nuk është rasti i parë këtë sezon duke qenë se probleme kanë pasur edhe Vlahoviç e Di Maria. Madje, për këtë të fundit u raportua se ka gënjyer për një dëmtim në gju për ndeshjen ndaj Bolonjas vetëm për faktin se trajneri e kishte lënë në stol.
