SPORT, 22 Nëntor 2021, 21:51

Kukësi i shkakton humbjen e parë Tiranës

Kukësi i shkakton humbjen e parë Tiranës

Tirana pëson humbjen e parë për këtë sezon, duke u mundur 2-1 në Shkodër nga Kukësi, që rikthehet tek fitorja.

Një ndeshje që u vendos nga golat e dy ballkanasve Milunovic (49') dhe Basa (88') për Kukësin, ndërsa Seferi (82') nuk i mjaftoi Tiranës.

Në “Loro Boriçi”, skuadra e Diego Longos arriti që të marrë maksiumin ndaj bardhebluve, duke ngushtuar diferencën me kryesuesit e kampionatit në tri pikë.

Merr fund dhe seria pa humbje në Abissnet Superiore për ekipin e Shehit, që ndaj Kukësit nuk ia doli që të merrte pikë, duke e mbyllur me humbje këtë fazë të parë.

Diego Longo i befasoi të gjithë me formacionin duke hedhur nga minuta e parë Domin dhe Gavazjan, të cilët luanin për herë të parë këtë sezon si titullarë në kampionat ndaj kampionëve në fuqi. 

Java e 9-të e Abissnet Superiore

Kukësi-Tirana   2-1 

(Milunovic 49′ Seferi 82′  Basa 88′)