TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy persona, një 36-vjeçar dhe një 50-vjeçar, janë arrestuar në Tiranë, pasi dyshohen për shitje të lëndëve narkotike në kryeqytet.
Gjatë kontrolleve, 36-vjeçarit iu gjetën sasi kokaine dhe kanabisi në automjetin e tij, si dhe në banesë. Gjithashtu, në makinë ai mbante edhe një pistoletë me zara metalikë, të cilën e posedonte pa leje.
Ndërkohë, edhe 50-vjeçarit iu gjetën doza kokaine, të ndara dhe të gatshme për shitje. Pamjet e publikuara nga Policia tregojnë se lënda narkotike ishte fshehur edhe brenda kutive të shkrepëseve.
Në kuadër të operacionit, Policia ka sekuestruar lëndët narkotike, armën e zjarrit, automjetet dhe telefonat celularë të dy të arrestuarve.
Njoftimi i policisë:
Tiranë/ Finalizohet operacioni i koduar “Variety”. Goditen nga Forca “Shigjeta”, 2 raste të tjera shitjes së lëndëve narkotike Kokainë dhe Cannabis Sativa.
Arrestohen në flagrancë 2 shtetas. Njëri prej tyre, gjithashtu lëvizte me armë, pa leje, në automjet.
Sekuestrohen arma (pistoletë, me zara metalikë), sasi dhe doza të lëndëve narkotike, si dhe automjetet dhe celularët e të arrestuarve.
Specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme “Shigjeta”, si rezultat i kontrolleve permanente, të kryera me qëllim identifikimin dhe ndalimin e shtetasve që lëvizin të armatosur ose transportojnë lëndë narkotike, me qëllim shitjen, finalizuan operacionin e koduar “Variety”.
Gjatë operacionit u arrestuan shtetasit R. S., 36 vjeç dhe I. S, 50 vjeç, të dy banues në Tiranë.
-Nga kontrolli fizik, si dhe nga kontrollet në banesë dhe në automjetin që 36-vjeçari drejtonte në rrugën “Njazi Meka”, u gjetën sasi dhe doza të lëndëve të dyshuara narkotike Kokainë dhe Cannabis Sativa. Gjithashtu, në automjet iu gjet 1 armë imituese e armës së zjarrit pistoletë, me zara metalikë.
-Nga kontrolli në automjetin që drejtonte 50-vjeçari, në bulevadin “Zogu i Parë”, u gjet sasi lënde e dyshuar narkotike Kokainë, e ndarë në doza, me qëllim shitjen.
Materialet procedurale iu referuan Prokurorisë, për veprime të mëtejshme.
