TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtoria Rajonale e IKMT-së në Dibër ka bllokuar mbrëmjen e kaluar dy raste të transportit të paligjshëm të lëndës drusore, gjatë kontrolleve të ushtruara në akset rrugore të qarkut.
Ndërhyrja e parë u krye në aksin Muhur-Selishtë, ndërsa rasti i dytë u konstatua në rrugën që lidh Burrelin me Urakën. Gjatë verifikimeve, punonjësit e IKMT-së evidentuan se transportimi i materialit drusor kryhej pa dokumentacionin përkatës ligjor.
Në të dyja rastet, lënda drusore u sekuestrua dhe iu vu në dispozicion njësisë vendore. Ndërkohë, ndaj drejtuesve të mjeteve u vendosën masa administrative, në përputhje me legjislacionin në fuqi.
IKMT bën me dije se kontrollet për parandalimin dhe ndëshkimin e transportit të paligjshëm të lëndës drusore dhe ndërhyrjeve të kundërligjshme në zonat pyjore do të vijojnë në të gjithë territorin e vendit.
