LIFESTYLE, 15 Shkurt 2023, 22:00

Shuhet ikona e Hollywood, Raquel Welch

Shuhet ikona e Hollywood, Raquel Welch
Raquel Welch

Ikona e Hollywood, Raquel Welch, e cila u bë një seks simbol ndërkombëtar në vitet 1960, ka ndërruar jetë në moshën 82-vjeçare. Welch ndërroi jetë këtë të mërkurë në mëngjes pas një sëmundjeje, sipas menaxherit të saj.

Ajo e filloi karrierën e saj në moshën 19-vjeçare dhe luajti në rreth 65 filma. Ajo u nderua me Golden Globe për pjesëmarrjen e saj në “D’Artagnan and the Three Musketeers”.

Aktorja u bë e njohur për publikun e gjerë për rolet e saj në “Fantastic Voyage” dhe “One Million Years BC”, në të cilat luajti në vitin 1966. Ajo gjithashtu u shfaq në “The Cher Show” në 1975 dhe interpretoi “I’m a Woman” me Ser.

Herë pas here, revista të ndryshme e përfshinin në listën e aktoreve më seksi të të gjitha kohërave. Ajo u emërua nr.1 nga 100 yjet më seksi në historinë e filmit nga revista Esquire dhe nr.3 e “100 yjet më seksi të shekullit të 20” nga Playboy.

Ajo fitoi një çmim Golden Globe për performancën e saj në 1974 në “The Three Musketeers” dhe u nominua përsëri në 1987 për filmin “Right to Die”. Amerikania u vlerësua shpesh se theu “kallëpin” e heroinave moderne të aksionit në filmat e Hollivudit.

Welch trajtoi imazhin e saj në librin e saj, “Raquel: Përtej dekoltesë”, në të cilën foli për fëmijërinë e saj, problemet e saj të hershme të karrierës si nënë beqare në Hollywood dhe pse nuk gënjeu kurrë për moshën e saj. Ajo la pas dy fëmijë.