TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama, i cili prej disa ditësh ndodhet me pushime në jug të vendit, është fotografuar në një darkë me Alex Soros, djalin e miliarderit George Soros, i cili ndodhet në Shqipëri.
Pamjet e darkës janë publikuar ditën e sotme në rrjetet sociale dhe kanë tërhequr vëmendjen, ndërsa takimi mes Ramës dhe Alex Soros është zhvilluar në Dhërmi.
Në fotografitë e publikuara, kryeministri Rama shihet i ulur në një tavolinë përballë Alex Soros, ndërsa të dy po darkojnë në një prej ambienteve të zonës.
Takimi vjen në një kohë kur në Tiranë vijojnë protestat kundër qeverisë dhe kërkesat për largimin e kryeministrit Edi Rama.
Rama dhe Alex Soros kanë një marrëdhënie të njohur publike dhe janë takuar edhe në raste të tjera gjatë viteve të fundit. Në prill të këtij viti, Soros publikoi vetë pamje nga një takim me kryeministrin shqiptar në Barcelonë.
Për momentin, nuk ka të dhëna të bëra publike mbi përmbajtjen e bisedës gjatë darkës dhe nuk dihet nëse takimi ka pasur karakter politik apo ka qenë një takim privat.
Fotot e publikuara kanë rikthyer në vëmendje marrëdhënien mes Ramës dhe familjes Soros, ndërsa takimi i fundit në Dhërmi vjen gjatë qëndrimit veror të kryeministrit në jug të Shqipërisë.
