TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një zjarr ka përfshirë pasditen e kësaj të marte një sipërfaqe pyjore në zonën e njohur si “Lëndina e Madhe”, mbi fshatin Sinicë në Devoll.
Pas marrjes së njoftimit për rënien e zjarrit nga shërbimi zjarrfikës i Bashkisë Devoll, drejt zonës është nisur një ekip prej 11 zjarrfikësish dhe 3 punonjësish të shërbimit pyjor.
Forcat e angazhuara në terren po punojnë për vënien nën kontroll dhe neutralizimin e vatrës së zjarrit, ndërsa ndërhyrja vijon për të parandaluar përhapjen e mëtejshme të flakëve në zonën pyjore.
Deri në këto momente, nuk dihet sipërfaqja e saktë e përfshirë nga zjarri, ndërsa mbetet ende e paqartë edhe shkaku i rënies së flakëve.
Shërbimet zjarrfikëse po monitorojnë situatën dhe vijojnë punën në terren për izolimin e vatrës dhe parandalimin e përhapjes së zjarrit.
