LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 22 August 2026, 20:12

Fier/ Kontrolle me pajisje inteligjente, mbi 1 mijë masa administrative dhe 7 procedime penale

TPZ

Policia Rrugore e Fierit ka intensifikuar kontrollet në akset rrugore dhe në pikat hyrëse-dalëse të qytetit, me përdorimin e pajisjeve inteligjente, me qëllim parandalimin e aksidenteve dhe menaxhimin e trafikut.

Gjatë javës së fundit, për shkelje të ndryshme të Kodit Rrugor janë proceduar penalisht 7 shtetas. Një prej tyre është arrestuar në flagrancë për drejtim automjeti në gjendje të dehur, ndërsa 4 drejtues mjetesh janë proceduar në gjendje të lirë për drejtim pa leje drejtimi.

Ndërkohë, 2 drejtues janë proceduar penalisht në lidhje me aksidente rrugore.

Kontrollet parandaluese kanë sjellë gjithashtu një numër të lartë masash administrative. Sipas Policisë Rrugore, janë vendosur:

  • 888 masa për tejkalim të shpejtësisë në rrugët interurbane dhe autostradën A2;
  • 17 masa për mospërdorim të rripit të sigurimit;
  • 9 masa për përdorim të celularit gjatë drejtimit;
  • 44 masa për parakalim të gabuar;
  • 11 masa për drejtim automjeti nën efektin e alkoolit;
  • 107 masa për shkelje të tjera të rregullave të qarkullimit që konsiderohen burim aksidentesh.  

Në total, janë vendosur 1,076 masa administrative gjatë kontrolleve të kësaj jave.

Gjithashtu, shërbimet e Policisë Rrugore kanë sekuestruar 4 motomjete që qarkullonin pa dokumentacionin dhe targat përkatëse.

Policia Rrugore e Fierit u ka bërë apel drejtuesve të automjeteve që të respektojnë me rigorozitet rregullat e qarkullimit, duke theksuar se respektimi i tyre është thelbësor për parandalimin e aksidenteve dhe mbrojtjen e jetës së përdoruesve të rrugës.