TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Reshjet e dendura të ditëve të fundit vijojnë të shkaktojnë probleme në disa zona të Qarkut Lezhë, ndonëse gjatë paradites intensiteti i shiut është ulur. Strukturat vendore dhe ato qendrore janë angazhuar në menaxhimin e situatës dhe ndërhyrjet në terren vijojnë pa ndërprerje.
Në Shëngjin vazhdojnë operacionet për largimin e ujit nga oborret e banesave dhe katet e para të disa ndërtesave, ku janë angazhuar 10 efektivë të Forcave të Armatosura, mjete të bashkisë, agregatë pompimi dhe forcat e policisë bashkiake.
Në lagjen “Nënë Tereza”, pranë nënstacionit elektrik, ndërhyrjet po kryhen me fadromë dhe agregatë për të larguar ujin nga oborri i nënstacionit.
Punime për pastrimin e rrugëve dhe zhbllokimin e kanaleve po kryhen në disa njësi administrative:
Reshjet vijojnë me intensitet mesatar deri të lartë. Që prej orës 07:00 ka nisur operacioni për pastrimin dhe mbushjen e segmenteve të rrugëve të dëmtuara nga lumi në Milot, në zbatim të urdhrave të Ministrit të Mbrojtjes dhe Prefektit. Në terren ndodhen rreth 30 forca, përfshirë pjesëtarë të FA, kryepleq dhe banorë të zonës. Po kërkohet zgjidhje për kalimin e mjeteve të rënda përtej urës së dëmtuar.
Në Mamurras, ndërhyrjet kanë vijuar në Gjorm, Sanxhak dhe Drojë, me një përmirësim të dukshëm të situatës krahasuar me ditën e djeshme. Prezenca e ujit është tërhequr në shumicën e zonave, ndërsa vetëm fusha depresive e Gjormit mbetet problematike. Aksi Shpërdhet vijon të jetë i vështirë, por pjesa tjetër e rrugëve është e kalueshme. Nuk është raportuar nevojë për evakuime.
Reshjet me intensitet mesatar dhe dalja e lumenjve e përrenjve malorë nga shtrati kanë sjellë një sërë dëmtimesh:
Sipas informacioneve zyrtare, HEC-i i Qafmollës nuk pritet të kryejë shkarkime gjatë ditës së sotme.
Niveli i ujit në lumin Drojë ka rënë dhe është futur në shtrat. Mjetet e DUK vijojnë punën në Drojë, Tale dhe Balldre. Hidrovoret po funksionojnë me kapacitet të plotë.
Gjatë 24 orëve të fundit kanë rënë rreth 60 mm reshje. Kanale dhe argjinatura të kontrolluara nuk paraqesin probleme. Lumenjtë Drin dhe Mat janë nën kuotat e rrezikut.
Përmbytjet në tokat bujqësore mbeten të përhapura për shkak të reshjeve të pandërprera.
