AKTUALITET, 25 Nëntor 2021, 22:34

Borxhi ka vajtur 80%/ Edi Rama: Borxhi ynë nuk është problematik, kemi bërë investime

Borxhi ka vajtur 80%/ Edi Rama: Borxhi ynë nuk është problematik,
Edi Rama në "Të Paekspozuarit"

Edi Rama ka deklaruar se borxhi i Shqipërisë nuk është problematik edhe pse ka arritur në 80.2%. 

I ftuar në emisionin "Të Paekspozuarit" në MCN TV, kryeministri deklaroi që pavarësisht se borxhi është rritur, paratë nuk janë përdorur vetëm për të shlyer borxhe por janë investuar dhe kjo sipas tij, e dallon qeverinë e tij nga ajo e Sali Berishës. 

"Kemi shkuar në 80.2%. Ky borxh i rritur, nëse do të ishte problematik dhe tregjet do të konstatonin se Shqipëria nuk ka kapacitete për ta ulur, ne do të dështonim me eurobondin.

Borxhi ynë nuk është një borxh problematik. Rëndësi ka sa investon ti me borxhin. Nëse e merr vetëm për të lartë borxhe apo për të investuar dhe për t’u rritur.

Ne e kemi dyfishuar investimin për çdo 100 lek borxh", tha ndër të tjera Rama.