TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja janë zbardhur nga ekspertiza për aksidentin tragjik të ndodhur në Durrës, ku humbën jetën çifti i sapomartuar, Kleo Vrioni dhe Sara Brugentelli, si dhe një 15-vjeçar. Sipas konkluzioneve të ekspertëve, automjeti pak para aksidentit lëvizte me një shpejtësi prej rreth 114 km/orë.
Nga rindërtimi i dinamikës së ngjarjes rezulton se, teksa merrte kthesën, drejtuesi humbi kontrollin mbi automjetin. Fillimisht, goma e përparme në krahun e pasagjerit u përplas me bordurën, duke bërë që automjeti të humbiste më tej stabilitetin. Pas përplasjes me bordurën, makina u përmbys dhe më pas rrëshqiti për rreth 40 metra, deri në ndalimin e saj.
Një tjetër element i rëndësishëm i ekspertizës lidhet me gjendjen e drejtuesit të automjetit. Analizat toksikologjike kanë konfirmuar se ai kishte konsumuar alkool. Ndërkohë, dy persona të tjerë të përfshirë në aksident ndodhen në Spitalin e Traumës në Tiranë, ku po marrin ndihmë mjekësore.
