TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Avokati Saimir Vishaj është ndarë nga jeta, pasi ishte shtruar në gjendje të rëndë shëndetësore në Spitalin e Traumës në Tiranë.
Vishaj ishte transportuar me urgjencë në spital, pas dyshimeve se kishte rënë nga shkallët.
Gjendja e tij ishte raportuar kritike dhe mjekët e kishin intubuar.
Në gusht të vitit 2025, 60 vjeçari nga Vlora kishte treguar publikisht se kishte kaluar një sëmundje të rëndë, gjatë së cilës kishte qëndruar për një periudhë në koma dhe i intubuar.
Gjatë karrierës së tij ka mbajtur edhe disa funksione të tjera, si anëtar i Këshillit të Përgjithshëm Kombëtar të Dhomës Kombëtare të Avokatisë, i Komitetit të Disiplinës dhe i Komisionit të Monitorimit të Reformës në Drejtësi.
Në gusht të vitit 2025, Vishaj kishte rrëfyer publikisht një tjetër betejë të vështirë për jetën. Ai kishte kaluar një sëmundje të rëndë, për shkak të së cilës kishte qëndruar në koma dhe i intubuar. Pas trajtimit mjekësor në Itali, kishte arritur të rikuperohej.
Kush ishte Saimir Vishaj?
Ai ishte një prej emrave të njohur të botës së drejtësisë në Shqipëri. Përgjatë karrierës së tij, ai u angazhua në fushën e avokatisë penale, ishte pjesë e disa çështjeve të bujshme gjyqësore dhe u bë një personazh i njohur edhe përmes daljeve të shpeshta publike në media.
Vishaj kishte përfunduar studimet në Fakultetin e Drejtësisë në Universitetin e Tiranës në vitin 1996, ku ishte diplomuar jurist. Ai ushtronte profesionin e avokatit që prej vitit 1998.
Një prej angazhimeve të tij kryesore ishte drejtimi i Shoqatës së Avokatëve Penalistë të Shqipërisë, detyrë që e mbajti prej vitit 2009. Ai kishte gjithashtu eksperiencë si pedagog në universitete private dhe pranë Shkollës Kombëtare të Avokatisë. Vishaj ishte përfshirë edhe në grupe pune për ndryshime në Kodin e Procedurës Penale.
Gjatë karrierës së tij, Vishaj ka përfaqësuar klientë në disa prej çështjeve të bujshme penale në vend. Ai ishte gjithashtu një zë aktiv në debatet publike për sistemin e drejtësisë dhe problematikat e gjyqësorit.
Në tetor të vitit 2025, avokati shpalli kandidaturën për postin e Avokatit të Popullit, duke nisur mbledhjen e firmave për të mbështetur kandidimin e tij.
Një tjetër periudhë e vështirë në jetën e tij ishte ajo e vitit 2025, kur u përball me një sëmundje të rëndë. Në një intervistë për Top Channel, në gusht të atij viti, Vishaj tregoi se kishte kaluar në gjendje kome dhe ishte intubuar, përpara se të merrte trajtim të specializuar në Itali.
Ai rrëfeu se pas trajtimit kishte nisur rikuperimin dhe synonte t’i rikthehej aktivitetit profesional, gjë që e bëri.
