SPORT, 19 Qershor 2024, 17:54

Zgjoi shpresat e shqiptarëve, Gjasula pas barazimit: Zoti deshi të shënoja, provojmë edhe ndaj Spanjës

Zgjoi shpresat e shqiptarëve, Gjasula pas barazimit: Zoti deshi të

Lojtari i Shqipërisë, Gjasula dha opinionin e tij pas ndeshjes së barazuar 2-2 me Kroacinë. Ai tha se sulmin do ta provojnë edhe ndaj Spanjës.

“Ishte shumë e vështirë në minutat e para që u futa. Desh Zoti që më dha shansin të shënoja golin. Ditë e bukur dhe historike për mua.

Po, mund të fitonim. Bëmë një lojë shumë të mirë për 55-60 minuta, ishim ekipi më i mirë në fushë. Më pas e humbëm disi, por mund të fitonim nëse do të ishim më të qetë në fund.

Spanja? Normal që do të provojmë” – tha ai.