TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Barcelona nuk heq dorë, gjithçka për të siguruar shërbimet e Morata. Klubi blaugrana pas dështimit të radhës, atë në Superkupë, dëshiron ti bëjë një dhuratë trajnerit Xavi i cili ia ka bërë të qartë se dëshiron me çdo kusht sulmuesin e Juves. Pavarësisht fjalëve të thëna nga Allegri, i cili u shpreh i bindur se Morata nuk largohet, fakt është që spanjolli nuk është i pashitshëm.
Sipas të përditshmes spanjolle Sport, Xavi ka dhënë prej kohësh bekimin e tij për të transferuar Morata në “Camp Nou”, duke ia kaluar në këtë mënyrë topin drejtuesve të klubit. Edhe vetë lojtari duket i gatshëm për një transferim të tillë, por pengesë mbetet Juves, duhet të gjejnë rrugën e duhur për të bindur torinezët. Në kushte të tjera, nëse Chiesa nuk do të ishte dëmtuar, nuk do të kishte asnjë pengesë në këtë negociatë.
Drejtuesit e klubit blaugrana, janë të vetëdijshëm për këtë pesë, për këtë arsye kërkojnë të bindin Juven duke përfshirë në tratativa Memphis Depay. Holandezi nuk bën më pjesë në planet e Xavi, këtë e di edhe vetë Depay i cili gjithashtu ka dhënë pëlqimin e tij për një transferim në Torino.
