TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti rus Vladimir Putin vizitoi të martën qytetin e Novosibirskut, ku autoritetet vendosën masa të rrepta sigurie për shkak të frikës nga sulmet me dronë ukrainas.
Sipas mediave lokale, gjatë vizitës së tij banorëve iu kërkua të shmangnin daljen në rrugë gjatë kalimit të autokolonës presidenciale, të mos qëndronin pranë dritareve dhe të mos përdornin pajisje elektronike apo optike.
Në Universitetin Shtetëror të Novosibirskut u kufizua gjithashtu lëvizja në kampus, ndërsa policia u dislokua përgjatë rrugës së autokolonës, me efektivë të vendosur rreth çdo 50 metra.
Autoritetet ndërmorën edhe një sërë ndërhyrjesh për përmirësimin e imazhit të qytetit, duke riparuar rrugë, trotuare dhe fasada ndërtesash.
Në mëngjesin e vizitës së Putinit, një zjarr shpërtheu në një banesë private në qendër të Novosibirskut, duke shkaktuar një re të madhe tymi. Në vendngjarje mbërritën zjarrfikës, ambulanca dhe forca policie. Vizita në Novosibirsk ishte një nga disa udhëtimet e fundit të Putinit në rajonet ruse, në një kohë kur sulmet me dronë ukrainas brenda territorit të Rusisë janë shtuar. Mediat raportojnë gjithashtu se shqetësimet për sigurinë e presidentit rus kanë ndikuar në mënyrën se si organizohen udhëtimet e tij.
All the time we are told how evil Vladimir Putin is, yet then I see moments like this: during his visit to Novosibirsk, he stopped his motorcade, stepped out to speak with students by the roadside, and wished them a successful and rewarding school year.
It certainly makes you… pic.twitter.com/2Wqow0xeYe — Richard (@ricwe123) August 12, 2026
