TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata Kushtetuese ka kaluar në seancë plenare kërkesën e Asociacionit të Gazetarëve të Shqipërisë (AGSH), përmes së cilës kundërshtohet rregullorja e re e Gjykatës së Posaçme Kundër Korrupsionit dhe Krimit të Organizuar (GJKKO).
AGSH kërkon shfuqizimin e dispozitave të rregullores që lidhen me ushtrimin e aktivitetit të gazetarëve dhe mediave në ambientet e Gjykatës së Posaçme, të cilat i konsideron kufizuese për lirinë e medias dhe të drejtën e informimit.
Rregullorja e re e GJKKO-së ka hyrë në fuqi më 1 shtator. Ndër masat që kanë kundërshtuar gazetarët është ndalimi i përdorimit të telefonave celularë gjatë seancave gjyqësore, si dhe moslejimi i regjistrimeve audio nga ana e tyre.
Po ashtu, Asociacioni i Gazetarëve të Shqipërisë kundërshton edhe procedurat e akreditimit dhe kërkesat e përcaktuara për ndjekjen e seancave gjyqësore.
