TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Duket se është gjithnjë e më shumë një lajm fals ai që erdhi nga Spanja sipas të cilit Kristiano Ronaldo ka ndërmend ti shndërrojë hotelet në Portugali në spitale për të përballuar emergjencën e koronavirus.
Në mëngjes gazeta spanjolle "Marca" shpërndau lajmin duke i besuar komentit të Edgar Caires, mikut personal të Kristianos, por në rrjetet online nisën dyshimet mbi gjestin e madh të sulmuesit të Juventusit.
Duke nisur nga Jornal Madeira, e përditshmja e vendlindjes së CR7, që e ka konsideruar lajmin mbi hotelet si një “fake”. “Ky informacion që është publikuar nga e përditshmja spanjolle sportive "Marca", është false dhe është përgënjeshtruar”.
Një pozicionim i fortë dhe i qartë, që fshin me një goditje të vetme atë që është shkruar për lëvizjen e CR7 në favor të emergjencës koronavirus në Portugali. Fake news godasin përsëri, edhe në kohë krize.
