TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja kanë dalë në pah nga tritolat e vendosur në orët e para të mëngjesit në dy biznese në Durrës së lokali në zonën e lulishtes, pranë Mauzoleumit të Dëshmorëve është në pronësi të të dënuarit Gëzim Kajno.
Kajno rezulton i dënuar për vrasjen e Asllan Kërtushës në vitin 2016, dhe në 2024 ai u arrestua nga Policia dhe pas arrestimit ndaj tij u caktuan 10 vite burg, për veprat penale “Vrasja me dashje" dhe "Mbajtja pa leje dhe prodhimi i armëve, armëve shpërthyese dhe i municionit", dënim nga i cili i kanë mbetur për të vuajtur 4 vjet.
Gjykata e shkallës së Parë e dënoi me 6 vite Gëzim Kajnon, nga ana tjetër prokuroria e ankimoi në shkallët më lart vendimin. Në Gjykatën e Lartë radha për ta shqyrtuar dosjen erdhi në 2023, në një kohë që 39-vjeçari e kishte kryer dënimin prej 6 vitesh dhe doli nga qelia.
Pasi doli nga burgu, Kajno rinisi punën duke hapur kështu një bar-kafe në Durrës, biznes i cili për pak sa nuk iu hodh në orët e para të mëngjesit të sotëm.
Si ndodhi ngjarja?
Asllan Kërtusha, asokohe 29-vjeç ishte i ulur në lokalin e njërit prej autorëve dhe në gjendje të dehur ka filluar të fyejë klientët.
Në këto rrethana, pronari i lokalit Gëzim Kajno i ka kërkuar Kërtushës që të mos fyejë klientët. Pas konfliktit në lokal, sherri mes dyshes u zhvendos jashtë biznesit.
Kërtusha tentoi të largohej me taksi, por u nxor me dhunë nga makina nga Gëzim Kajno, i cili e qëlloi me plumb në zemër duke i marrë atij jetën në vend.
"Rreth orës 03:50, në lagjen nr. 11, Durrës, në derën e jashtme të një lokali në pronësi të shtetasit G. K., është hedhur një sasi e vogël lënde plasëse. Si pasojë, janë shkaktuar vetëm dëme të lehta materiale.
Gjithashtu, rreth orës 04:30, në zonën e Shkallnurit, në anë të rrugës Plepa–Ndroq, është hedhur një sasi lënde plasëse në derën e garazhit të një automjeti, duke shkaktuar vetëm dëme materiale", njoftoi sot policia.
Grupet hetimore, nën drejtimin e Prokurorisë, po vijojnë veprimet për mbledhjen dhe administrimin e provave, zbardhjen e plotë të rrethanave, si dhe identifikimin dhe kapjen e autorit/autorëve.
