TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas shumë dështimeve për të siguruar praninë e tyre në sallën e gjykimit, Gjykata Themelore në Prishtinë e ka caktuar seancën e radhës ndaj katër deputetëve të Lëvizjes “Vetëvendosje”, Albin Kurti, Donika Kadaj-Bujupi, Albulena Haxhiu dhe Faton Topalli.
Kjo seancë është caktuar të mbahet të premten, më 1 dhjetor.
Caktimin e kësaj date, e ka konfirmuar procesmbajtësja e gjykatësit Beqir Kalludra, Mybera Latifi.
Arrestimi i tyre ishte bërë me urdhër të Gjykatës Themelore në Prishtinë, e cila kishte lëshuar udhërarrest ndaj tyre, pasi deputetët nuk kishin shkuar në seancën e 22 nëntorit, në gjykimin për hedhjen e gazit lotsjellës në Kuvendin e Kosovës.
Pas arrestimit, Gjykata Themelore në Prishtinë kishte caktuar masën e paraburgimit prej një muaji për tre deputetët, por një ditë më vonë, Gjykata e Apelit ua kishte ndryshuar atyre masat e sigurisë.
Ndaj Kurtit dhe Kadaj-Bujupit, është caktuar masa e arrestit shtëpiak, derisa Haxhiu është lënë e lirë.
Për mospjesëmarrje në seancat gjyqësore ndaj Albin Kurtit edhe më herët ishte lëshuar urdhërarrest.
