TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Miliona turq kanë votuar në zgjedhjet Presidenciale, ku rivaliteti është mes Rexhep Tajip Erdogan ose Kemal Kiliçdaroglu. Analistët kanë argumentuar se në zgjedhjet e këtij viti në Turqi, pjesëmarrja e zgjedhjeve të mëparshme që arriti në 86%, mund të tejkalohet.
Pamjet nga qendrat e votimit konfirmojnë këtë pritshmëri pasi edhe persona me karroca apo barela mbërritën në qendrat e votimit për të mbështetur një nga dy “gladiatorët”.
Një tjetër grua shkoi të votonte, ndërsa djali i saj i mbante bombolën e oksigjenit. Anëtarët e komisionit zgjedhor u regjistruan duke shkuar në qendrat e votimit në azile ose të shtrirë në shtrat, në mënyrë që ata të mund të ushtronin të drejtën e tyre për të votuar.
Qendrat e votimit do të qëndrojnë të hapura deri në orën 17:00 dhe më pas do të fillojë numërimi në prani të qindra vëzhguesve si nga OJQ-të turke ashtu edhe nga institucionet ndërkombëtare si Këshilli i Europës.
Vihet re se sipas legjislacionit turk, është e ndaluar shpallja e rezultateve të zgjedhjeve deri në orën 21:00 me orën lokale. Presidenti i Turqisë, i cili sondazhet tregojnë se ka shumë gjasa të mposhtet për herë të parë në 20 vjet, votoi në një shkollë të mesme në lagjen Uskundar të Stambollit me gruan e tij, Emine.
Me të mbërritur në shkollë, Erdogan ka përshëndetur mbështetësit e tij, ndërsa është fotografuar me fëmijët e vegjël që ndodheshin aty, të cilëve u ka dhënë edhe para.
Kilicdaroglu votoi në shkollën fillore Arjantin në Ankara me gruan e tij, nën masa të rrepta sigurie. Për shumicën e analistëve, kjo është një garë e ngushtë zgjedhore.
