TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Partisë Demokratike, Sali Berisha, ishte i pranishëm ditën e sotme në Kuvendin e PD-së në Krujë. Gjatë fjalës së tij, Berisha komentoi sërish protestën, duke u shprehur se PD-ja do ta mbështesë atë me të gjithë potencialin e saj. Sipas Berishës, protesta e ka bërë kryeministrin Edi Rama “njeriun më të urryer”, jo vetëm në Shqipëri, por edhe në Europë.
“Ne do ta mbështesim atë protestë me të gjithë potencialin tonë. Ne jemi njerëz të moralit, ajo është protestë qytetare dhe ne e respektojmë.
Mund të thotë dikush: Çfarë i bënë ata Ramës? Ia them unë: E ka bërë njeriun më të urryer, jo vetëm në Shqipëri, por edhe në Europë. Ai nuk e merr më kurrë veten, ndaj dhe ne do të shkojmë aty me fibrën qytetare.
Ato parrulla dhe slogane që një grup armiqsh tanë, opozitë e opozitës, nuk na pengojnë të lëshojmë sheshin. Jemi burrat dhe gratë e sheshit. Kërkesat e tyre janë identike me kërkesat tona”, u shpreh Berisha.
