BALLKAN, 3 Mars 2023, 17:04

Identifikohen përmes ADN-së 52 viktimat e “trenit të vdekjes” në Greqi, njoftohen 14 familje për të tërhequr trupat

Identifikohen përmes ADN-së 52 viktimat e “trenit të

Pesëdhjetë e dy trupa janë identifikuar përmes analizës së ADN, të cilët humbën jetën në aksidentin e frikshëm në Larisa të Greqisë.

Në një komunikim zyrtar policia ka bërë me dije se po vijon identifikimi i viktimave të tjera, ndërsa shton se disa prej trupa janë në gjendje tepër të rëndë, pasi janë djegur plotësisht.

Sakaq, në prani të psikologëve, janë njoftuar 14 familje për të afërmit e tyre që janë identifikuar mes viktimave.

Po ashtu pranë drejtorisë së policisë se Tepme, janë mbledhur sende personale të pasagjerëve që janë gjetur në vagonë, ndërsa u është bërë thirrje qytetarëve që dyshojnë që kanë pasur familjarë në “trenin e vdekjes” që të shkojnë për të identifikuar sendet e tyre.