BALLKAN, 23 Nëntor 2021, 13:13

I mbijetuari rrëfen se si ndodhi tragjedia në Bullgari: Thyem dritaret dhe dolëm nga autobusi

I mbijetuari rrëfen se si ndodhi tragjedia në Bullgari: Thyem dritaret

Kryeministri maqedonas, Zoran Zaev deklaroi se ka arritur të bisedojë me njërin nga personat e plagosur që ndodhen në spitalin “Pirogov”.

Në një intervistë për Bulgaria ON AIR, Zaev pohoi se viktimat janë të moshave të reja, 25-30 vjeç, por mes tyre ka edhe fëmijë.

“Ai më tha se ka dëgjuar shpërthim. Kanë arritur të shpëtojnë pasi kanë thyer dritaret dhe kanë arritur të dalin nga autobusi.

Viktimat e tragjedisë janë persona të moshës prej 25-30 vjeç, ka edhe fëmijë. Tragjedia është e madhe. Ju besojmë kolegëve tanë bullgarë për hetimin.

Nëse u duhet ndihmë, jemi të gatshëm të ndihmojmë në hetim. Tani më e rëndësishmja është të të ndihmojmë të lënduarit”, deklaroi Zaev.