TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zëdhënësi i Kremlinit, Dmitry Peskov, ka reaguar ndaj deklaratave për mundësinë e vendosjes së armëve bërthamore pranë kufijve të Rusisë, duke paralajmëruar se një lëvizje e tillë nuk do të rriste sigurinë, por do të sillte përshkallëzim të mëtejshëm.
Peskov tha se vendet që po shqyrtojnë mundësinë e lejimit të vendosjes së armëve bërthamore në territorin e tyre, pranë kufijve rusë, “gabohen”, pasi një hap i tillë, sipas tij, do të ndikonte negativisht në situatën e sigurisë.
Reagimi i zëdhënësit të Kremlinit vjen pas deklaratave të presidentit të Letonisë, Edgars Rinkēvičs, i cili tha se armët bërthamore mund të vendosen në territorin e vendit nëse NATO merr një vendim të tillë.
Deklaratat kanë rikthyer në vëmendje diskutimet mbi praninë dhe dislokimin e kapaciteteve bërthamore të NATO-s në krahun lindor të aleancës, në një kohë kur tensionet mes Rusisë dhe vendeve perëndimore mbeten të larta.
Sipas Peskov, vendosja e armëve bërthamore pranë kufijve të Rusisë nuk do të kontribuonte në stabilitet, por do të krijonte një situatë më të tensionuar dhe do të rriste rrezikun e përshkallëzimit.
