TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kriza politike në Rumani po vazhdon pasi parlamenti ka refuzuar t’i japë votëbesimin Siegfried Mureshanit për formimin e qeverisë së re. Mureshan, deputet i Parlamentit Evropian, ishte propozuar për kryeministër nga presidenti i pavarur, Nicushor Dan.
Ky është rasti i dytë që deputetët refuzojnë kandidatin e propozuar nga presidenti, duke e thelluar krizën politike që vazhdon që nga rënia e koalicionit qeverisës në maj.
Meqë parlamenti e ka refuzuar për herë të dytë kandidatin për kryeministër, Kushtetuta rumune tashmë lejon mundësinë e shpalljes së zgjedhjeve të parakohshme, raporton politico.
Megjithatë, presidenti Dan dëshiron ta shmangë këtë skenar. Ai kundërshton shpërndarjen e parlamentit dhe zgjedhjet e reja, pasi sondazhet sugjerojnë se ato mund të forcojnë Aleancën për Bashkimin e Rumunëve (AUR).
Në vend të zgjedhjeve, Dan u ka bërë thirrje liderëve politikë që t’i tejkalojnë mosmarrëveshjet dhe të arrijnë marrëveshje për formimin e një koalicioni të ri qeverisës.
“Politikanët duhet t’u drejtohen njerëzve që u kanë dhënë mandatin”, tha Dan gjatë një vizite zyrtare në Çeki, para votimit.
Ai shtoi se, duke pasur parasysh se shumica e rumunëve kërkon që kriza të përfundojë, ekziston mundësia që partitë politike të arrijnë një marrëveshje.
